తెలంగాణ భాషా దినోత్సవం

హైదరాబాద్ (సెప్టెంబర్ ) రంగారెడ్డి జిల్లాలోని బండ్లగూడ పరిధిలో ఉన్నటువంటి బిర్లా ఓపెన్ మైండ్్ పాఠశాలలో తెలంగాణ భాషా దినోత్సవ వేడుకలు ఘనంగా జరిగాయి. సెప్టెంబర్ 9 సెలవు దినం కారణంగా సెప్టెంబర్ 13 వ తేదీన ఈ వేడుకలు జరపాలని పాఠశాల యాజమాన్యం సూచించింది. ఈ కార్యక్రమంలో భాగంగా విద్యార్థులు తెలంగాణ భాష గొప్పదనాన్ని వివరిస్తూ ఉపన్యాసాలు, నృత్య ప్రదర్శనలు, పాటలు, పొడుపు కథలు మొదలైన కార్యక్రమాలతో అందరినీ అలరించారు. కర్ణాటక సంగీత ఉపాధ్యాయునిగా పని చేస్తున్న శ్రీ. శ్రీనివాసచారిగారు ఈ కార్యక్రమానికి ముఖ్య అతిథిగా విచ్చేశారు. ఈ సందర్భంగా భాషాపరంగా తెలంగాణ ప్రజల్లో చైతన్యం కలిగించిన కాళోజీ నారాయణరావు గురించి తెలియజేయడమే కాక, తన గీతాలాపనతో శ్రోతలందర్నీ ఆకట్టుకున్నారు. అనంతరం పాఠశాల ప్రధానోపాధ్యాయులైన శ్రీ. ప్రేమ్ ప్రకాష్ సాహుగారు, శ్రీనివాసచారి గారికి తమ పాఠశాల జ్ఞాపికను ప్రదానం చేశారు.